Ambasadorja e Shteteve të Bashkuara të Amerikës në vendin tonë Yuri Kim është takuar me kryetarin e Gjykatës së Lartë, Sokol Sadushi.
Kim dhe Sadushi diskutuan për numrin e çështjeve të pashqyrtuara si dhe për gjyqtarët e rinj që duhet të integrohen në sistemin e drejtësisë.
“Takim produktiv me Sokol Sadushin. Numri i dosjeve të prapambetura po reduktohet, por ramë dakord se duhet përshpejtuar. Shtetet e Bashkuara do të ofrojnë ndihmë teknologjike. Gjithashtu diskutuam për hapat e ardhshëm për integrimin në sistem të gjyqtarëve të kualifikuar, teksa vettingu po vazhdon”, ka shkruar në rrjetet sociale ambasadorja amerikane Yuri Kim.