Prej mesditës së sotme rrjeti social Facebook dhe programet e lidhura me të, si WhatsApp, Instagram apo dhe Messenger punojnë me vështirësi të theksuara.
Përdorues të shumtë kanë shkruar të nervozuar në Twitter, se
prej disa orësh nuk kanë akses në llogaritë e tyre, apo nuk mund të shkruajnë
dot me miqtë.
Në lidhje me ankesat e shumta, ka reaguar dhe vetë Facebook, që për nga mënyra
duket një reagim i pazakontë.
‘Ne jemi të vetëdijshëm se disa njerëz aktualisht kanë probleme në qasjen në
familjen e aplikacioneve të Facebook. Po punojmë që ta zgjidhim çështjen sa më
parë të jetë e mundur’, ka shpjeguar Facebook në faqen e vetë në Twitter.