Ministrja e Shëndetësisë, Ogerta Manastirliu, theksoi sërish mbrëmjen e sotme se nuk mund të themi që e kemi fituar luftën me Covid-19, teksa u pyet se kur do të hiqen masat anti-Covid. Ajo u shpreh në emisionin “Goca dhe Gra” se në Shqipëri janë vaksinuar afro 50% e popullatës kundër Covid-19.
“Nuk mund të themi ende se është fituar lufta me Covid. Vijojmë të kemi një numër të madh infektimesh ditore. Varianti ‘Omicron’ infekton më shumë dhe shton një hospitalizim. Ky variant mund të shkaktojë pasoja të rënda tek dikush që ka shëndet delikat. Në Shqipëri janë kryer 2.6 milionë vaksinime të kryera. Kemi 50% popullatë të vaksinuar. Në muajt gusht dhe shtator u pa se u rrit sërish numri infektimeve që gjatë verës ishte shumë i ulët dhe njerëzit menduan se pandemia iku”, tha ajo.