Michel Roccati, 30 vjeç është një prej tre pacientëve të paralizuar në Itali të cilët falë elektrodave të vendosura në shtyllën kurrizore, kanë arritur të ecin, të notojnë përsëri e t`i japin dhe biçikletës.
Komandat kalojnë përmes një tableti të kontrolluar nga pacienti, që lidhet me trurin e stimulon lëvizjen. Megjithatë objektivi final tani është të arrihet në një “by-ass wireless”, të aftë të marrë impulse elektrike nga truri e t`ia dërgojë automatikisht chip-it të implantuar në shtyllën kurrizore. Tashmë, synimi është që sistemi të testohet në një numër më të madh pacientësh.
Michel mbeti viktimë e një aksidenti të rëndë rrugor në 2017-tën. Për muaj të tëra, ai qëndroi i shtruar në spital me shtyllën e kurrizit të thyer në disa vende e asnjë lloj ndjeshmërie të këmbë.
Ai thotë se nuk u dorëzua asnjëherë, por shpresoi gjithmonë se dikur, do të gjendej një zgjidhje për problemin e tij, e hyri të studionte dhe vetë funksionimin e trurit dhe shtyllës kurrizore, ndërsa sot ndihet me fat që mund të ngrihet vetë në këmbë sërish.