Ish-deputeti Spartak Braho teksa ka komentuar zhvillimet e fundit politike është ndalur tek qëndrimet e Presidentit të Republikës Ilir Meta dhe seanca në Kushtetuese për shkarkimin ose jo të tij.
Braho tha se dy modele presidenti ka pasur Shqipëria, duke sjellë si shembuj pozitiv ish-presidentët Rexhep Meidani dhe Alfred Moisiu.
“Dy modele presidenti ka pas Shqipëria gjatë këtyre viteve, modeli Meidani dhe modeli Moisiu.
Vinin nga kahe të ndryshme, unë e di si i ka pasur Meidani marrëdhëniet me Nanon, ja kështu (bën me dorë). Nuk bënte lëshime Meidani, absolutisht, ishte parimor. Edhe Moisiu. Moisiu ishte simpatizant dhe ishte krahu i së djathtës në atë kohë, për shkak të pozicionit të tij si ish-ushtarak i goditur, por gjeti belanë Sali Berisha me Moisiun.
Ishte burrë shteti, serioz, patriot, nuk bëri asnjë lëshim tërë kohës. Ishte një ekuilibrist i mirë, një moderator i mirë i funksioneve që duhet të ushtronin strukturat kryesore të shtetit”, deklaroi Braho për News24.