The Guardian shkruan se në të gjithë Evropën mendojnë se Rusia do të pushtojë Ukrainën në vitin 2022 dhe besojnë se NATO dhe BE duhet të qëndrojnë përkrah Kievit.
Analistët mendojnë se fillimi i një lufte mund të ndryshojë në mënyrë dramatike mënyrën se si evropianët e shohin sigurinë e tyre.
Drejtori i Këshillit Evropian për Marrëdhëniet me Jashtë, Mark Leonard, ka thënë se shtetet e BE janë të ndara në këtë konflikt. Sipas tij, vendet e BE kanë një siguri që Putin do të ndjekë veprime ushtarake dhe se Evropa së bashku me partnerët e NATO-s mund t’i vijë në ndihmë Ukrainës.
“Shtetet e BE janë të ndara, por qytetarët evropianë kanë të njëjtën mendim: Ata thonë se Putin do ndjekë veprime ushtarake dhe se Evropa, së bashku me partnerët e NATO-s, duhet t’i vijnë në ndihmë”, u shpreh Leonard.
Të dhënat se qytetarët janë pro ndihmës për Ukrainën sipas Leonard, janë përftuar nëpërmjet një sondazhi. 51% e të anketuarve në Francë dhe Itali, 52% në Gjermani, 55% në Suedi, 64% në Rumani dhe 73% në Poloni, thanë se pushtimi rus ishte i mundur brenda vitit.
Shumica në të shtatë vendet e panë NATO- n dhe 30 shtetet e saj anëtare si mbrojtësit kryesorë të sovranitetit të Ukrainës, por gjithashtu ndjenë qartë se BE-ja mbante një përgjegjësi të fortë për të dalë në mbrojtje të Ukrainës në rast të agresionit rus.
Në Finlandë, 56% e të anketuarve mendonin se BE-ja do të ishte e pozicionuar mirë për t’i ardhur në ndihmë Ukrainës dhe 59% mendonin se NATO-ja do ta bënte këtë. Diku, shifrat ishin: 53% dhe 55% për
Francën; 47% dhe 50% për Gjermaninë; 64% dhe 67% për Italinë; 80% dhe 79% për Poloninë; 57% dhe 63% për Rumaninë; dhe 61% dhe 64% për Suedinë.
Të pyetur se kujt i besonin më shumë për të mbrojtur interesat e qytetarëve të BE-së nëse Rusia pushtoi Ukrainën, të paktën gjysma e të anketuarve në secilin vend, duke u rritur në më shumë se 60% në Poloni, Suedi, Itali dhe Rumani, thanë se i besonin BE-së. Në dy vende, Suedi dhe Finlandë, besimi në BE ishte edhe më i madh se në NATO.