Marsel Sula 21 vjeç, i dënuar më parë për vjedhje, është arrestuar nga polica për shkak se akuzohet për një seri vjedhjesh në Tiranë.
Rezulton se ky person studionte banesat, duke përdorur disa pajisje speciale, bënte kopje të çelësave dhe me pas kryente vjedhjet, duke hyrë në banesa pa dëmtime të dyerve apo dritareve dhe duke iu shmangur kamerave të sigurisë.
Nga tërësia e veprimeve hetimore ka rezultuar se nëpërmjet këtij mekanizimi, ky shtetas dyshohet të ketë vjedhur në 8 banesa të ndryshme, gjatë muajit dhjetor 2021 dhe muajve janar dhe shkurt 2022.