Kryeministri Edi Rama i është përgjigjur qytetarëve në lidhje me demolimin e disa banesave që preken tek zona e “5 Majit” në kryeqytet në kuadër të projektit të rindërtimit pas dëmeve të tërmetit të 26 nëntorit 2019.
Kreu i qeverisë siguron qytetarët se askush nuk do të mbetet jashtë dhe se kjo nuk bëhet për interes të ndonjë kompanie. Rama thekson se edhe ata që i kanë shtëpitë pa leje do të përfitojnë shtëpi të re me një vlerë shumë më të madhe se ajo që kanë pasur.
“Nuk kemi nxjerre asnjë jashtë nga shtëpia për asnjë kompani të asnjë shokut tone, por po ndërtojmë një lagje te re ku edhe ata qe i kane shtëpitë pa leje e qe sigurisht do t’iu prishen, do te marrin shtëpi të re me një vlerë shumë më të madhe se ajo qe kanë! Prandaj turpi le t’u mbetet atyre qe bëjnë politike përçarëse edhe me çatitë e familjeve, ndërkohë që ne do të bëjmë për të gjitha ato familje te njëjtën gjë që bëmë me familjet e prekura nga tërmeti, pa dallim partie e krahine ”, është përgjigjur Kryeministri i vendit.
Gjithashtu një tjetër qytetar ka reaguar për çështjen e “5 Majit” duke pyetur: “Ndoshta duhet bere një pyetësor për Banoret e 5 Majit, Unazës se re dhe gjithë viktimave te Rilindjes&Co!! Pyetje :A ka vlerë Jeta dhe Prona në Shqipëri??”.
Rama shkruan se nuk ka nevojë për një pyetësor të tillë sepse të quash “viktima te Rilindjes” ata që marrin shtëpi me leje në një lagje të re, pasi u prishet banesa pa leje në një geto kaotike, duhet te jesh vetë viktime e një mllefi të pangushëllueshëm politik.
“Nuk ka nevoje për pyetësor për atë teme, sepse të quash “viktima te Rilindjes” ata që marrin shtëpi me leje në një lagje të re, pasi u prishet banesa pa leje në një geto kaotike, duhet te jesh vetë viktime e një mllefi te pangushëllueshëm politik! Njësoj si ata qe u thoshin familjeve të prekura nga tërmeti që tërmetin e solli Rilindja dhe do vdisni nëpër çadra ”, shkruan Rama
Postime te ngjashme
Add A Comment