Milinkovic-Savic është padiskutim lideri i Lazios dhe edhe sivjet është i vetmi që mbetet “fari” i ekipit dhe një lider…
Por, e ardhmja e tij është ende një çështje që duhet diskutuar.
Siç raportohet nga e përditshmja Il Tempo, klubi dhe agjenti i mesfushorit serb, Kezman mund të bëjnë vlerësimin e situatës këtë verë.
Marrëveshja midis agjentit dhe klubit do të përcaktonte që, përballë një oferte të lartë prej të paktën 70 milionë eurosh, shitja do të ishte e mundur.
Në mënyrë alternative, megjithatë, mund të flitet për rinovim, me një kontratë që skadon në 2024 dhe që ende ka kohë…
Natyrisht, Milinkovic-Savic e ndjen të nevojshme të ndryshojë dhe ka ardhur momenti që të ndryshojë ekip dhe ambijce. Te Lazio do të luftonte vetëm për zonën e Europa League dhe ndonjë trofe si Kupa (edhe ajo gati e pamundur duke parë rritjen e Interit dhe Milanit, veç Juventusit që është gjithmonë aty) kështu që largimi për një top lojtar do të ishte zgjidhja ideale.
Juventusi do të provojë të bëjë një sulm në verë, pasi prej kohësh e pëlqen, ashtu si edhe trajneri Massimiliano Allegri.