Në mbledhjen e sotme të zhvilluar në Komisionin Hetimor lidhur me aferën e inceneratorëve, ku të pranishëm janë edhe dëshmitarët të cilët do të pyeten në lidhje me këtë çështje.
Dëshmitarët e parë të pyetur në Komisionin Hetimor, janë administratori i shoqërisë “Intergrated Technology Servis” shpk Faraudin Arapi dhe Administratori i Shoqërisë “Albtek Energy” shpk Arjan Baci.
Gjatë fjalës së saj kryetarja e Komisionit Jorida Tabaku, theksoi se kompania ka marrë kredi me garanci sovrane gjatë pandemisë për të paguar paga.
“U mor kredi bankare gjatë pandemisë për paga rreth 4 mijë euro”, tha Tabaku.
Pjesë nga diskutimet:
Jorida Tabaku: Arjan Baci është administrator i shoqërisë “Albtek Enrgy” shpk?
Baci: Po, jam emëruar në vitin 2021. Nga ajo kohë deri më tani menaxhojmë pasuritë.
Jorida Tabaku: Për sqarim të dy menaxhojnë dy kompanitë që zotëronin Klodian Zoton e Stela Gugallën. A i njihni personalisht?
Faraudin Arapi: Jo, për herë të parë i kam dëgjuar pas vendimit të gjykatës.
Baci: Jo, nuk i njoh.
Jorida Tabaku: A është në funksion inceneratori?
Faraudin Arapi: Në momentin që është marrë në dorëzim, inceneratori ka qenë në punë, ka kryer incenerim e djegie të mbetjeve, energjia e prodhuar e fakton këtë gjë. Ky incinerator merr energji dhe shumicën e kohës eksporton. Diferenca është diku tek 6 milion e 700 mijë.
Jorida Tabaku: Kompania nuk është e licencuar nga ERE, si administrohet për energjinë?
Faraudin Arapi: Nuk di ta them, ERE nuk ka rënë dakort për çmimin, pasi pretendon se këto lloj impiantesh, kur prodhimi i energjisë është më pak se 2 mvat… Prandaj ka ngelur kontrata e shitjes së energjisë elektrike pezull. Vendimi është komisionuar dhe i ka dhënë të drejtë shoqërisë Albtech dhe është kërkuar që të vendoset çmimi.
Jorida Tabaku: Ndoshta është teknike por ka pasur një vlerë abuzive, ERE nuk është përfshirë në vendosjen e çmimit të energjisë elektrike dhe shitja nuk realizohet, mosmarrëveshja është në gjykatë. Në bilancet që kam marrë nga QKB ju besoj e keni parë shëndetin financiar të kompanisë, kompania ka deklaruar fitim dhe ka bërë një shpërndarje dividenti 2 mln euro, kur ka ende shpenzime të mbartura e s’ka mbyllur bilancet.