Administratori i inceneratorit të Fierit, Lorant Dusha nuk është paraqitur sot në Komisionin Hetimor parlamentar kur ishte thirrur për të dëshmuar, me arsyetimin se ishte prekur nga covid-19. Njoftimi u bë nga kryetarja e këtij komisioni Jorida Tabaku e cila kërkoi nga administrata e Kuvendit, që të riskedulojmë takimin në platforma online.
“Në orën 10:00 ne kishim thërritur për të dëshmuar zotin Lorant Dusha, administrator i inceneratorit të Fierit. Ai kishte dëgjuar që ishte dëshmitar, ne i kishim nisur një shkresë që e kishte sjellë mbrapsht.
Na kishte sjellë përgjigje që është shumë i dëshiruar që të vijë në këtë komision, do patjetër që të dëshmojë, kishim rënë dakort që do të vinte ndërsa sot në mëngjes sjell një letër që është me Covid. Kështu sëmuren këta me Covid sa herë ndodh diçka.
Ky Komision do të presi 24 orë, do t’i kërkoj Kuvendit që ta riskedulojmë takimin që të komunikojmë me të me një nga platformat e teknologjisë.” u shpreh Tabaku.