Mbrëmjen e së enjtes, në tribunën e stadiumit “San Siro” ishin të pranishëm edhe disa përfaqësues të Barcelonës, të cilët kishin një mision special.
Sipas “Mundo Deportivo”, ndeshja Inter-Eintraht është vëzhguar edhe nga ata që merren me merkaton e klubit katalanas. Sytë e Segura, Abidal dhe Planes ishin të fokusuar te sulmuesi i ekipit gjerman, Luka Joviç, autori i golit të fitores për Eintrahtin.
Sulmuesi serb ishte vendimtar në këtë ndeshje dhe përshtypjet e përfaqësuesve të Barcelonës sigurisht që janë pozitive. Joviç është një objektiv i klubit të madh spanjoll. Sulmuesi i Eintrahtit po zhvillon një sezon të shkëlqyer dhe forma e tij u ka rënë në sy të gjithë klubeve të njohur europianë. Barcelona po kërkon një lojtar që do të zëvendësonte Luis Suarezin dhe Joviç duket sulmuesi perfekt.