Rusia po vazhdon të grumbullojë forcat e saj rreth kufirit ukrainas. Sipas CNN, zyrtarët kanë pohuar se gati gjysma e forcave që rrethojnë Ukrainën tani janë afruar brenda 50 kilometrave (rreth 31 milje) nga kufiri me Ukrainën.
Duke folur gjatë një konference të inteligjencës, zyrtarët thanë se Rusia ruan “forcë të jashtëzakonshme” në kufirin e Ukrainës dhe ka masën ushtarake në vend për të kryer një pushtim të Ukrainës.
Përveç grumbullimit të trupave, zyrtarët vunë në dukje ndërtimin e një ure gjatë 72 orëve të fundit, të cilën ata e përshkruan si shumë të pazakontë dhe të papajtueshme me çdo stërvitje ushtarake të kaluar.
Pamjet satelitore të publikuar në mediat ukrainase tregojnë urën e fshehtë qe po ndërtohet përgjatë lumit Pripyat, një lumë kyç në Bjellorusi më pak se 6-7 km nga kufiri ukrainas.
Ura zvogëlon ndjeshëm distancën nga qyteti bjellorus i Yampol në kufirin me Ukrainën me rreth 96 km nga 167 km që është.