Ditën e nesërme në orën 11:00 opozita ka thirrur një protestë masive para Kryeministrisë.
Nga ana tjetër garda duket se ka përgatitur terrenin për një protestë që mund të agravojë edhe në dhunë.
Sot para Kryeministrisë janë instaluar dhjetra kamera shtesë për të bërë të mundur filmimin e çdo skene dhune.
Shtyllat janë lyer me graso për të pamundësuar që protestuesit të ngjiten dhe të dëmtojnë kamerat e sigurisë.
Rreth 1300 efektivë janë angazhuar për mbarëvajtjen e protestës, ku pjesa më e madhe do të vendosen para kryeministrisë.
Një pjesë tjetër në anën e Piramidës ndërsa do të bllokohet çdo lëvizje në rrugën “Ismail Qemali”.
Gjithashtu gjatë dy ditëve të fundit është punuar për të forcuar skelën para hyrjes së kryeministrisë ndërsa rrjeta teli janë vendosur përqark godinës së kryeministrisë.
