Vakti i mëngjesit është po aq i rëndësishëm për bebet po aq sa është dhe për të rriturit. Ai e furnizon organizmin e bebit me kaloritë e nevojshme për të rifilluar punën. Edhe nëse e keni ushqyer bebin në mes të natës me siguri që ai i ka harxhuar të gjitha resurset deri në mëngjes. Këto receta gatimi janë ato për të cilat bebi juaj ka nevojë në mëngjes.
Pure me perime
E vetmja gjë që do t’ju duhet për këtë recetë janë disa perime si patatja, bizelja apo karrota dhe pak ujë. I zieni perimet deri sa të zbuten dhe ma pas i bëni pure. Perimet janë të pasura me vlera ushqyese për të cilat bebi ka nevojë.
Pure me fruta
Është ekuivalenti i puresë me perime vetëm se përmban fruta të freskëta. Ju nevojiten disa fruta si mollë, dardhë, banane dhe pak ujë. Pureja me fruta është e shkëqyer për vaktin e parë të ditës se bebit tuaj. Filloni duke i qëruar dhe copëtuar frutat e më pas mund t’i kaloni në blendër dhe t’i shtoni pak ujë nëse është e nevojshme.
Qull me oriz e banane
Qulli është një ushqim i shëndetshëm për të rriturit por dhe për bebet. Një qull i zakonshëm bëhet me qumësht lope por meqënëse po e përgatisim për bebet ju mund ta bëni me qumësht gjiri apo formule.
Përbërësit
⦁ 1 filxhan oriz
⦁ 1 banane e prerë në copa
⦁ 3 filxhan uji
⦁ 1 filxhan me qumësht gjiri apo formule
Pergatitja
1. Filloni duke zierë orizin deri sa të zbutet.
2. Pasi orizi të jetë gatuar shtoni në të njëjtën tenxhere me orizin, bananen dhe qumëshin e gjirit apo të formulës dhe i përzieni për 3-4 minuta deri sa bananet të jenë tretur plotësisht dhe nëse ka nevojë mund t’i shtoni dhe pak ujë e ta lini të ziejë për 2-3 minuta të tjera.
3. Më pas lëreni vetëm të ftohet dhe e keni gati./pernenat/