Kryetari i Bashkisë Erion Veliaj premton se në 17 mars do të zhvillohen mbi 50 aktivitete në Tiranë.
Veliaj flet me tone ironike edhe për protestën e opozitës në 16 mars, duke e cilësuar si “një mundësi të mirë për turizmin e kryeqytetit”.
“Mezi e pres sepse vijnë shumë njerëz dhe shpenzojnë lekët që i japin deputetët, dhe zhvillojnë ekonominë e qytetit tonë”, tha ai në një intervistë për A2.
Tashmë kandidat zyrtar i Partisë Socialiste për mandatin e dytë te Bashkisë, Veliaj është në pritje të kandidaturave rivale.
“Mezi e pres, një, dy, disa, se duke patur një debat, do të kemi edhe diskutime se kush mund ta bëje më mirë këtë punë”.
Ndërkaq, ditën e dielë Veliaj fton qytetaret t’i bashkohen festimeve dhe mbi 50 aktiviteteve që do të zhvillohen ne tiranë duke shpresuar që koha mos të zhgënjejë përsëri.