Një 38-vjeçar është arrestuar sot nga Policia e Beratit pasi akuzohet për vjedhje dhe dëmtim të pronës nëpërmjet zjarrit.
Ngjarja ka ndodhur në lagjen “30 vjetori” ku 38-vjeçari hyri në banesën e një personi me qëllim vjedhjen. Gjatë kontrollit ka gjetur aty një kompjuter, të cilin e ka marrë. Me qëllim humbjen e gjurmëve të krimit, ai i ka vënë edhe zjarrin banesës duke u larguar më pas.
Policia ka arritur të zbulojë identitetin e tij duke shkuar më pas në banesë. Gjatë kontrollit që kanë kryer aty, uniformat blu kanë gjetur kompjuterin e vjedhur si edhe disa bizhuteri.
Njoftimi i policisë
Vodhi një Lap Top dhe më pas i vuri zjarrin banesës, vihet në prangat e policisë 38-vjeçari.
Nga Specialistët e Seksionit për Krimet në Komisariatin e Policisë Berat, u bë arrestimi në flagrancë i shtetasit K.E., 38 vjeç, banues në lagjen “Kushtrim”, Berat, pasi në lagjen “30 vjetori”, në banesën e shtetasit E.Xh., ka vjedhur në Lap Top dhe më pas i ka vënë zjarrin banesës.
Menjëherë pas marrjes së njoftimit shërbimet e policisë kanë shkuar në vendngjarje, ku kanë bërë të mundur fikjen e zjarrit, identifikimin dhe kapjen e autorit.
Gjatë kontrollit në banesën e shtetasit K.E., u gjetën dhe u sekuestruan në cilësinë e provës materiale fishek luftarak, disa çelsa bravash, 1 Lap Top dhe disa orendi shtëpiake të cilat dyshohet të jenë vjedhur më parë.
Në vijim të veprimeve hetimore shtetasi K.E, dyshohet të jet autor i një vjedhje të ndodhur më parë në banesën e shtetasit M.Zh., ku ka marrë disa orendi shtëpiake.
Materialet i kaluan Prokurorisë së Rrethit Gjyqësor Berat për veprime të mëtejshme.