Kryeministri japonez, Fumio Kishida dënoi pushtimin rus të Ukrainës lindore, duke thënë se sulmi do të “trondiste themelet e rendit ndërkombëtar”. “Ne kritikojmë fuqishëm veprimet e Rusisë dhe do të bashkëpunojmë me Shtetet e Bashkuara dhe komunitetin ndërkombëtar për t’u përgjigjur me shpejtësi,” u tha Kishida gazetarëve në një konferencë shtypi, shkruan CNN.
Kishida tha se Japonia do të pezullojë dhënien e vizave dhe do të ngrijë asetet e njerëzve të përfshirë në njohjen e pavarësisë së Donetskut dhe Luhanskut, dy rajonet pro-Moskë të mbajtura nga separatistët në Ukrainën lindore. Ai nuk specifikoi emrat apo se si do të kryheshin sanksionet.
Ai tha gjithashtu se Japonia do të ndalojë importet dhe eksportet në dhe nga Donetsk dhe Luhansk, dhe do të ndalojë emetimin dhe qarkullimin e bonove ruse në Japoni.