Presidenti ukrainas, Volodymyr Zelensky, ka paralajmëruar për një sulm të ri masiv rus ndaj Ukrainës, duke pretenduar se Moska mund të shfrytëzojë ditën e zgjedhjeve të mesmandatit në Shtetet e Bashkuara për të goditur infrastrukturën energjetike të vendit.
Në një videomesazh në X, Zelensky deklaroi se Kievi ka marrë informacione për përgatitjen e sulmeve të reja, të cilat mund të synojnë objektet energjetike dhe rrjetet e furnizimit. Sipas tij, vëmendja ndërkombëtare do të jetë e përqendruar te zgjedhjet amerikane, duke rrezikuar që zhvillimet në Ukrainë të kalojnë në plan të dytë.