Deputeti i PD Agron Gjekmarkaj ka reaguar pasi në parlament iu ndërpre fjala ndërsa ironizon gjestin duke theksuar se u nisa të them se nga fjalimet e qeverisë më lindi ideja ta ftoj Kuvendin të pajtojë një psikolog për shqetësimin e trazimin që komisioni hetimor u ka shkaktuar ministrave dhe “kalit të rracës” siç tha Kryeministri dje me përkëdheli për veten.
Nga Agron Gjekmarkaj
U nisa të marr fjalën në parlament po vigjilenca e Kryetares ma nderpreu mendimin gjymtimi i të cilit me shkakton vuajtje! Lavdi Zotit që ekziston e shkruara ! U nisa të them se nga fjalimet e qeverisë më lindi ideja ta ftoj Kuvendin të pajtojë një psikolog për shqetësimin e trazimin që komisioni hetimor u ka shkaktuar ministrave dhe “kalit të rracës” siç tha Kryeministri dje me përkëdheli për veten.
Secili nga ne deputetët të nxjerrë ca lekë nga kursimet dhe t’i gjejë ku janë e ku nuk janë Gugallen, Mirel Mërtirin e Klodian Zoton e t’jua dërgojë se janë nën stres ! Kaq ja dola ta shqiptoj kur dora e Linditës ma zu fjalën pë zverku si xhebraili ! Me mirësi e kisha ! U duhen se janë nisur me nxitim! Njerëz janë, ndonjë valixhe edhe e kanë harruar. Po ashtu për ndoj nderrese e ca zahire. I pari do bëja kabull një rrogë. Po kaq duke parë e gjykuar se ju paskemi rënë në qafte tre esnafëve që kanë dhënë borxh emrin e shumë më tepër ministrave që firmosën atë hata u duhet kthyer respekti që ju hoqëm.
Ndaj doja të propozoja që Kuvendi të miratojë një rezolutë ku t’i imponohet Presidentit të Republikës që të gjithë dinjitarët e kësaj historie me inceneratorë , tre të fshehurit dhe gjithë qeveritarët e u rropaten shumë që kjo ditë të vijë, duke derdhur djersë e mund të dekorohen me medaljen “Nderi i Kombit” ndërsa ndihmësit që bënë letrat me “Naim Frashëri i klasit të parë” ! Të gëzohen qerratushërit se kanë vuajtur këto ditë. T’i tregojmë botës se Shqipëria i nderon evletërit e saj që kaq shumë bëjnë për të, për t’ja administruar paranë me nikoqirllek, për t’i zbardhur faqen e dlirur nga plehrat të cilat digjen e bëjnë dritë e cila përpara do të na shpjerë! Seanca do ishte relaksuar shumë nëse parasysh do merrej ky propozim !!!