Zyrtarët e inteligjencës amerikane janë të shqetësuar se Kievi mund të bjerë nën kontrollin rus brenda disa ditësh, sipas dy burimeve të njohura me inteligjencën më të fundit.
Burimet thanë se vlerësimi SHBA-së parashikon se kryeqyteti ukrainas do të pushtohet brenda një deri në katër ditë pas një sulmi rus.
Forcat ruse janë zhvendosur në 20 milje nga Kievi, u thanë zyrtarë të lartë të administratës ligjvënësve në Capitol Hill të enjten mbrëma.
Zyrtarët besojnë se Rusia është përballur me rezistencë më të ashpër nga forcat ukrainase sesa pritej, sipas burimeve. Por zyrtarët në atë konferencë për Capitol Hill nuk pranuan të thonë nëse besonin se Kievi do të rrëzohej.
CNN raportoi më parë se një zyrtar i lartë i mbrojtjes amerikane tha të enjten se Rusia “po bënte një lëvizje në Kiev”.
Zyrtarët e inteligjencës perëndimore vlerësojnë se plani i Rusisë është të rrëzojë qeverinë në Kiev dhe të vendosë një qeveri “kukull”, miqësore me Rusinë, por ata nuk e dinë ende nëse Putini do të kërkojë të pushtojë dhe mbajë territorin ukrainas më pas, tha për CNN një nga burimet e njohur me inteligjencën.
Zyrtarët ukrainas janë zotuar se do t’i rezistojnë çdo pushtimi. Ministria ukrainase e Mbrojtjes të premten shkroi në Twitter se trupat ruse hynë në rrethin Obolon në veri të Kievit.
Ruben Gallego, një demokrat në Komitetin e Shërbimeve të Armatosura, i tha CNN të premten se nëse Rusia do të pushtonte Kievin, SHBA duhet të armatoste luftëtarët e rezistencës në vend.
“Sigurisht që ndikon në reagimin tonë se kë po armatosim në të vërtetë. Në atë pikë ne duhet të kuptojmë se ushtria ukrainase siç e njohim mund të komprometohet dhe më pas mendoj se duhet të kalojmë në mbështetjen reale të partizanëve dhe luftëtarëve të rezistencës që janë të gatshëm të marrin luftën kundër Rusisë, “tha Gallego.