Ministrja e Jashtme e Shqipërisë, Olta Xhaçka, ka dhënë një prononcim në mediat sociale duke u shprehur se ajo që është duke bërë Rusia bie në kundërshtim me ligjin. Xhaçka tha se Rusia ishte i vetmi vend që vendosi veto dje ndaj rezolutës në Organizatën e Kombeve të Bashkuara.
“Rusia mbeti e vetme dje në vendosjen e vetos ndaj rezolutës në Këshillin e Sigurimit të OKB 🇺🇳, e cila bën thirrje për t’i dhënë fund agresionit kundër Ukrainës. Kjo që Rusia po bën është e paligjshme, është një sulm ndaj ligjit ndërkombëtar dhe rendit të bazuar në rregulla! Ky sulm nuk mund të vazhdojë, ndaj le të qëndrojmë të gjithë së bashku përkrah Ukrainës”, u shpreh Xhaçka.