Edhe Policia e Beratit ka ndërmarrë kontrolle në qytet duke gritur postblloqe të shumta në hyrje e dalje të Beratit. Madje pika të shumta kontrolli janë ngritur edhe në çdo hyrje e dalje të qyteteve: Kuçovë, Dimal, Poliçan e Skrapar.
Mësohet se këto kontrolle kanë për qëllim të parandalojnë ngjarjet kriminale, të rritin sigurinë rrugore si dhe kapjen e personave të cilët janë në kërkim.
Nga burimet policore, është thënë se në çdo hyrje dhe në dalje të Beratit dhe 4 qyteteve të tjera të qarkut, janë ngritur pika kontrolli, pjesë e të cilave janë bërë të gjithë sektorët e Drejtorisë Vendore të Policisë Berat, duke filluar që nga inspektorët e krimeve e trafiqeve e deri tek ata të qarkullimit rrugor. Në të gjitha automjetet që janë ndaluar në këto postblloqe janë bërë kontrolle të detajuara për drogë e armë, ndërkohë që janë kontrolluar edhe personat që drejtonin automjetetet, për tu verifikuar nëse janë persona në kërkim në Berat apo në qytete të tjera të vendit. Kontrollet policore nuk janë përqendruar vetëm në rrugët e qytetit, por edhe në baret e lokalet, që dyshohen për ushtrimin e veprimtarive të paligjshme.