Prmes donacioneve anonime në Bitcoin, thuhet se janë dhuruar të paktën 9 milion dollarë (6.7 milion £) deri më tani për përpjekjet e luftës në Ukrainë. Kjo është konfirmuar edhe nga shumë analistë të kriptomonedhave.
Deri më tani janë bërë shumë se 4,000 donacione. Ndër to, ka rënë në sy një donator i panjohur që i ka dhuruar një OJQ-je një Bitcoin me vlerë 3 milion dollarë, ndërsa donacioni mesatar është 95 dollarë.
Studiuesit në Elliptic (një kompani e analizës së blockchain), thonë se qeveria ukrainase, OJQ-të e ndryshme dhe grupet vullnetare i kanë mbledhur këto para duke reklamuar adresat e portofolit të tyre Bitcoin në internet.
Llogaria zyrtare në Twitter e shtetit ukrainas u bëri thirrje përdoruesve të “qëndrojnë me popullin e Ukrainës” dhe tha se po pranonte donacione në formën e kriptomonedhave Bitcoin, Ethereum dhe USDT.
E njëjta llogari postoi gjithashtu adresa për dy kuleta kriptomonedhash dhe brenda katër orëve kishte mbledhur më shumë se 3.3 milionë dollarë nga donacionet.
Themeluesi i kompanisë “Elliptic”, Tom Robinson i tha BBC-së: “Ndërsa disa kompani të financimit dhe pagesave kanë refuzuar të lejojnë dhënien e donacioneve për grupet që mbështesin ushtrinë ukrainase, kriptovalutat janë shfaqur si një alternativë e fuqishme”.