Kryebashkiakja e Durrësit dhe njëkohësisht kandidate e PS, Emiriana Sako gjatë një takimi me banorë të lagjes 15 në Spitallë, deklaroi se brenda vitit do të shihen ndryshime rrënjësore në këtë zonë.
Në këtë takim, Sako shoqërohej nga drejtuesi politik i qarkut, Adrian Çela, si dhe deputetja Klodiana Spahiu.
Ajo u shpreh para banorëve se lagjja e re në Spitallë ka filluar nga puna dhe janë 15 pallatet e para që po ndërtohen, ndërsa e gjithë lagjja do të ketë 996 apartamente, njësi shërbimi, qendër shëndetësore, park, fushë sporti në dispozicion të banorëve që kanë humbur shtëpitë.
Ndër projektet madhore që do të ketë ndikim të drejtpërdrejtë në këtë zone, shtoi Sako, është edhe porti tregtar që po ndërtohet në Porto Romano, i cili do të sjellë zhvillimin e zonës Spitallë-Porto Romano.