Autoriteti i Mediave Audiovizive, shpreh shqetësimet në lidhje me lajmet e pavërteta që po qarkullojnë këto kohë rreth luftës në Ukrainë.
“AMA ka vlerësuar dhe vlerëson maksimalisht rolin dhe kontributin e redaksive audio/ audiovizive në mbulimin e ngjarjeve të aktualitetit mbi zhvillimet që po ndodhin në të gjithë botën dhe veçanërisht ato që lidhen me situatën në dhe përreth Ukrainës. Gjatë ditëve të fundit, mediat prestigjoze ndërkombëtare kanë ngritur shqetësimin e tyre në raport me fenomenin e dezinformimit dhe pasojat që ai sjell në shoqëri.
AMA beson se edhe në këtë rast OSHMA-të do të kenë parasysh kërkesat etike dhe profesionale për t’i njoftuar dhe paraqitur lajmet e transmetuara në një mënyrë të vërtetë, të paanshme dhe objektive, përmes fact-checking dhe duke kontribuar për shmangien e dezinformimit dhe të keqinformimit”, thuhet në njoftim.