Ka pasur shumë fjalë për raportin mes Egzonës, Donaldit dhe Beatrix brenda shtëpisë së “Big Brother VIP”. Por dje në emisionin “Post Big Brother VIP” Egzona ka reaguar duke pohuar se e ka shume mik Donald Veshajn dhe se kanë një raport shumë të mirë mes tyre.
Duke vijuar më tej, Egzona sqaroi se nuk e kishte aspak për qëllim hyrjen brenda shtëpisë së famshme për t’i dërguar sinjale Donaldit në lidhje me Trixën. Madje as të ndikonte tek ai që të ndaheshe me të sepse Egzona garantoi që nuk është një vajzë që ndan çifte. “Trixa ka pasur disa deklarata shokuese për mua. Por më vjen keq që Trixa ka pritur me gjetur tek unë një Trixë të dytë.”, u shpreh moderatorja kosovare.
“Unë nuk jam vajzë që bëj diçka, me nda çiftet. Vetëm nëse ka menduar këtë pjesë. Kam parë shumë video që Trixa e ka shprehur disa herë që Egzona më jep shumë energji të mirë, përqafimet e saj më japin energji shumë të mirë. Edhe realisht unë kam pasur një lidhje shumë të ngushtë me Trixën. Gjitha ato përqafime, gjithë ai afrimitet me Trixën ka qenë real sepse realisht e kam ndjerë.“
Ndërkohë, në një moment ndërhyn Arbana duke e pyetur: “Po thua që Trixa është një vajzë që i ndan çiftet?” Por përgjgjia e Egzonës ishte:“Jo. Se u diskutua më herët që kur ka ardhur Trixa, është shoqëruar shumë me Semin edhe Donaldin.
Dhe në një farë forme është parë si pëlqim mes tyre. Unë pavarësisht se kam ndenjur me Donaldin dhe Trixën nuk kanë qenë qëllimet e mia që as t’i jap Donaldit sinjale nga jashtë dhe as që ta ndaj Trixën nga Donaldi.”, shtoi ajo.