Chaney Jones quhet vajza me të cilën reperi i njohur amerikan Kanye West ka nisur një marrëdhenie dashurie. Ka kohë që qarkullojnë thashethemet se dyshja janë bashkë por duket se një foto e publikuar nga vetë Kynie konfirmon gjithçka. Lidhja mes tyre ka krijuar një bujë të madhe kryesisht sepse modelja ka një ngjashmëri të madhe me ish-gruan e tij, Kim Kardashian.
Çifti i ri është parë duke bërë shopping në Miami. Flitet se ata janë vënë re shpesh kohët e fundit nën shoqërinë e njëri-tjetrit. Romanca e re e reperit vjen vetëm pak ditë pasi i dha fund lidhjes me Julia Fox.
Reperi ka kërkuar rikthimin me Kardashian, me të cilën ka dhe katër fëmijë. Çështja e tyre e divorcit shkon sërish në gjykatë, ku Kardashian thuhet se do t’i kërkojë gjykatësit që të rivendosë zyrtarisht statusin e saj si beqare.