Asambleja e Përgjithshme e Organizatës së Kombeve të Bashkuara ka votuar me shumicë dërrmuese për të dënuar pushtimin e Ukrainës “në formën më të ashpër të mundshme.”
Sipas raportimeve, 141 anëtarë të Asamblesë së Përgjithshme votuan pro rezolutës dhe pesë kundër. Po ashtu, 35 të tjerë abstenuan. Në një fjalim të dhënë disa minuta më herë, ambasadori i Ukrainës në OKB u shpreh se votimi i kësaj rezolute do të ishte një “moment përcaktues për brezin tonë.”
Kjo rezolutë është bazuar mbi atë të paraqitur më parë nga Shqipëria dhe SHBA.
“141 vota për paqen në Ukrainë 🇺🇦! Vetëm 5 vota kundër: Rusia, Koreja e Veriut, Eritrea, Siria, Bjellorusia. Bota 🌍 ka folur kundër agresionit rus! Diktatori i Rusisë duhet të dëgjojë njerëzimin. StandwithUkraine🇺🇦🇺🇳”- shkruan XHaçka në Twitter.