Sot shënon fiks 1 javë nga fillimi i luftës në Ukrainë, e cila shpërtheu të enjten e kaluar.
Ndërkohë, në orët e para të ditës së sotme, janë dëgjuar të paktën 4 shpërthime në Kiev. Këto shpërthime nga granatat ruse vranë 8 civilë afër qytetit Kharkiv.
Deri më tani, zyra e OKB-së për të drejtat e njeriut ka deklaruar se 227 civilë janë vrarë në 5 ditët e para të pushtimit rus të Ukrainës.
Sistemi bankar SWIFT ka njoftuar se më 12 mars do të përjashtojë nga rrjeti i tij global shtatë banka ruse, duke qëndruar kështu në të njejtën linjë me sanksionet e perëndimit ndaj Rusisë për pushtimin e Ukrainës.
Vetëm një javë pas nisjes së pushtimit, trupat ruse kanë marrë në kontroll të plotë qytetin Herson, në jug të Ukrainës.