Teksa janë duke u mbajtur ditën e sotme zgjedhjet e pjesshme vendore, në njësinë Administrative Lurë, ndonëse procesi i votimit ka nisur prej mëngjesit, pjesëmarrja mbetet ende në shifra të ulëta.
Burime për Tirananews.al bëjnë me dije se shkak për këtë janë bërë kushtet e vështira të motit.
Mësohet se në Njësinë Administrative Lurë në Bashkinë e Dibrës, dhjetra votues të fshatrave të Lurës me banim në Tiranë e Durrës kanë mbetur të bllokuar në Kurbnesh pasi rruga që lidh Rrëshenin me Lurën ka mbi 30 cm borë.
Për të lehtësuar aksesin e qytetarëve drejt qendrave të votimit, Bashkia dhe ndërmarrjet po punojnë intensivisht për hapjen e rrugës.
Ndërkohë kujtojmë se 654,538 shtetas shqiptarë do t’i drejtohen ditën e sotme kutive të votimit për të zgjedhur kryetarët e rinj në bashkitë Vorë, Shkodër, Durrës, Dibër, Lushnje e Rrogozhinë mes kandidatëve të PS, PD dhe koalicionit “Shtëpia e Lirisë” të përbërë nga LSI dhe PDK.
Qendrat e votimit janë hapur sot më 07:00 të mëngjesit dhe pritet të qëndrojnë të hapura deri më 19:00 të pasdites