Bombardimet intensive të së dielës shkaktuan tetë viktima në mes të një evakuimi në Irpin – një lagje në perëndim të Kievit. Lajmin e bëri publik vetë kryebashkiaku i Irpin, Oleksandr Markushyn në një deklaratë në “Telegram”.
Kryebashkiaku Markushyn tha se forcat ruse hapën zjarr gjatë një evakuimi nëpër një urë.
“Një familje vdiq, – u shpreh ai, – para syve më vdiqën dy fëmijë të vegjël dhe dy të rritur.”
Një video e bërë publike nga vendi i ngjarjes tregoi civilët të cilët lëviznin nëpër postbllokun përpara se të ndodhte një shpërthim në një udhëkryq që dukej se ishte shkaktuar nga një predhë.
“Irpin është në luftë, Irpin nuk është dorëzuar,” tha Markushyn. “Një pjesë e Irpin u kap vërtet nga pushtuesit rusë, por një pjesë e Irpin po lufton dhe nuk dorëzohet”.
Markushyn deklaroi gjithashtu se një tjetër evakuim do të fillonte nesër në mëngjes.