Udhëheqësit e Bashkimit Evropian do të diskutojnë kërkesën e Ukrainës për t’u bashkuar me bllokun 27-vendesh në ditët në vijim. Lajmi u dha nga kryetari i samiteve të BE-së Charles Michel në një postim në Twitter të hënën.
“Solidariteti, miqësia dhe ndihma e paprecedentë e BE-së për Ukrainën janë të palëkundura. Ne do të diskutojmë kërkesën për anëtarësim të Ukrainës në ditët në vijim”, tha ai.
Udhëheqësit e BE-së janë planifikuar të diskutojnë luftën në Ukrainë dhe ofertën e vendit për t’u bashkuar me BE-në në një samit jozyrtar në Paris të enjten.