I dërguari i Bashkimit Europian për dialogun Kosovë-Serbi, Miroslav Lajçak, ka deklaruar se integrimi i vendeve të Ballkanit Perëndimor në BE është diçka që duhet të ndodhë urgjentisht. Kjo pasi situata e re që ka krijuar lufta në Ukrainë, sipas Lajçak lind nevojën e përshpejtimit sa më të madh të këtij procesi.
Ai e bëri këtë deklaratë pas një takimi që zhvilloi me ministrin e Jashtëm të Maqedonisë së Veriut, Bujar Osmani.
“Situata aktuale gjeopolitike konfirmon urgjencën dhe rëndësinë e integrimit të plotë të Ballkanit Perëndimor në BE”, theksoi Lajçak në “Twitter”.
Nga ana tjetër, ministri Osmani tha se s’ka kohë për të humbur që të ndodhë integrimi në BE.
“Është më e mundshme se kurrë më parë dhe nuk ka kohë për të humbur. U pajtuam që zgjerimi është politikë e sigurisë dhe se ka nevojë për rezultate të prekshme në rrugën e Ballkanit Perëndimor për anëtarësim”, u shpreh Osmani.
Thanks for today’s conversation @Bujar_O. The current geopolitical situation confirms the urgency and importance of full EU integration of the Western Balkans. #ADF2022 #MEET4DIPLOMACY https://t.co/uVMAVKSaC1
— Miroslav Lajčák (@MiroslavLajcak) March 11, 2022