Presidenti ukrainas Volodymyr Zelenskyy ka përcjellë një tjetër mesazh të rëndësishëm pas pranimit të vendit të tij për t’u integruar në Bashkimin Europian. Zelenskyy theksoi se kjo është një “pikë kthese strategjike” në konflikt dhe shprehet i bindur se Ukraina tani mund të fitojë.
“Është e pamundur të thuhet se sa ditë kemi ende për të çliruar tokën ukrainase. Por mund të themi se do ta bëjmë. Sepse ne kemi arritur tashmë një pikë kthese strategjike,” deklaroi ai në një fjalim televiziv.
Ai gjithashtu hodhi akuza ndaj Rusisë për vendosjen e mercenarëve sirianë në Ukrainë, gjë që vjen pasi Vladimir Putin ftoi njerëzit të dilnin vullnetarë dhe të luftonin për të.
Zelenskyy vijoi më tej duke shtuar se Perëndimi duhet të vendosë sanksione më të forta ndaj Rusisë nëse konflikti vazhdon.