Raportohet se që prej ditës së parë të nisjes së konfliktit mes Rusisë dhe Ukrainës, numri i civilëve të vrarë ka shkuar në 579 ku mes të cilëve janë edhe 42 fëmijë. Kurse numri i të plagosurve bazuar në një raport të Organizatës së Kombeve të Bashkuara vlerësohet të jetë në 1,002 persona, përfshirë 54 fëmijë mes tyre.
Pjesa më e madhe e këtyre viktimave është regjistruar në zonat të cilat ndodhen ende nën kontrollin e qeverisë ukrainase.
“Shumica e viktimave civile të regjistruara kanë humbur jetën si pasojë e municioneve shpërthyese me një zonë të gjerë ndikimi, duke përfshirë granatimet nga artileria e rëndë dhe sistemet e raketave me shumë lëshime, dhe sulmet me raketa dhe ajrore”, shkruhet në raportin e OKB-së.
Zyra e organizatës për të drejtat e njeriut beson se numri aktual i viktimave është “dukshëm më i lartë. Në rajone si Kharkiv, Mariupol dhe Donetsk, ka gjasa që numri i viktimave të jetë shumë i lartë.