Mbrëmjen e sotme, në lagjen “11 Janari” në Gjirokastër është përfshirë nga flakët një banesë e cila ndodhej në katin e dytë të një pallati. Nga sa kemi mundur të mësojmë, banesa i përket qytetarit me iniciale P.R.
Ende nuk janë të qarta rrethanat në të cilat është shkaktuar zjarri por shërbimi zjarrfikës ka shkuar menjëherë në vendngjarje për të shuar flakët ndërsa policia e Gjirokastrës po punon për të zbuluar shkaqet. Deri më tani zjarri ka shkaktuar dëme të konsiderueshme materiale por nuk raportohet për dëme në njerëz.