SHBA-ja do të ofrojë një tjetër ndihmë ushtarake për shtetin e Ukrainës në mënyrë që kjo e fundit të përballojë luftën me Rusinë. Presidenti amerikan, Joe Biden ka autorizuar një fond prej 200 milionë dollarësh si një mbështetje e mëtejshme ushtarake për Ukrainën, bëri të ditur Shtëpia e Bardhë.
Pas akordimit të këtij fondi, shifra totale që SHBA-ja i ka dhënë Ukrainësshkon në më shumë se 1.2 miliardë dollarë (920 milion £) që nga fillimi i vitit 2021, deklaroi një zyrtar i administratës Biden.
Financimi, të cilin Biden e ka akorduar përmes Aktit të Ndihmës së Huaj, mund të përdoret për të blerë armë dhe materiale të tjera mbrojtëse nga stoku i departamentit të mbrojtjes së SHBA-së, si dhe edukimin dhe trajnimin ushtarak për të ndihmuar Ukrainën.
Ai do të përfshijë ndihmë të menjëhershme si sisteme anti-blindash, kundërajrore dhe armë të vogla, tha një zyrtar i lartë.
Masa vjen pasi Kongresi Amerikan miratoi 13.6 miliardë dollarë (10.43 miliardë £) ndihmë emergjente për Ukrainën.
Mbështetja ushtarake, duke përfshirë lëshuesit antitank dhe raketat kundërajrore, të ofruara nga SHBA dhe aleatët e tjerë perëndimorë tashmë është përdorur në mënyrë efektive nga trupat ukrainase.