Prestigjozja britanike “The Guardian” shkruan se një aleat i ngushtë i presidentit rus, Viktor Zolotov ka folur duke pranuar faktin se operacioni ushtarak i Rusisë në Ukrainë nuk ka përparuar me të njëjtën shpejtësi që do të dëshironte Moska zyrtare.
“Do të doja të thoja se çdo gjë ka shkuar sipas planit por jo pasi përparimi rus në Ukrainë nuk i ka përmbushur pritshmëritë tona. Por ne po shkojmë drejt qëllimit tonë hap pas hapi dhe së shpejti do të fitojmë”, tha ai.
Zolotov është një zyrtar i sigurisë, i cili dikur ishte përgjegjës për sigurinë personale të Putinit ndërsa tani është në krye të Gardës Kombëtare ruse.