Presidenti turk Rexhep Tajip Erdogan u bëri thirrje bashkëkombasve të tij të shtunën që të mos bien pre e mashtrimit të thirrjeve të terroristit Brenton Tarrant, duke u kërkuar njerëzve që të vazhdojnë të luten në Xhaminë Blu në vend që të kërkojnë hapjen e Hagia Sophia, një Muze në Stamboll, për lutje.
“Ne nuk bëjmë veprime për shkak të të neveritshmit [terroristit Brenton Tarrant]” tha Erdogan, duke iu referuar deklaratave të autorit të masakrës në xhamitë e Zelandës së Re, që përmbante referenca specifike për Turqinë dhe Hagia Sophia në Stamboll.
“Ai foli pakuptim duke thënë se ne do të vrasim ty, nëse do të kalosh në perëndim të ngushticës së Bosforit, do të arrijmë në Stamboll dhe do të shkatërrojmë të gjitha xhamitë dhe minaret. Ku është Zelanda e Re dhe ku është Turqia?” pyeti Erdogan.
‘Le të mos mashtrohemi’
Terroristi i krahut të djathtë, Tarrant, vrau të paktën 50 besimtarë myslimanë gjatë faljes së namazit të xhumasë në xhamitë Al Noor (Nur) dhe Linëood në qytetin Christchurch të premten dhe la dhjetëra të tjerë të plagosur.
Presidenti Erdogan po fliste në një tubim zgjedhor të shtunën, ku turma e zemëruar nga manifestimi i terroristëve, thirri” Hapni Hagia Sophia” për lutje.
“Ajo ka një dimension politik. Le të mos mashtrohemi. Është një mashtrim”, paralajmëroi Erdogan.
Hagia Sophia është një relike e Perandorisë Romake Lindore. U ndërtua tri herë në të njëjtin vend derisa Sulltan Mehmeti II ‘Pushtuesi’ e ktheu atë nga një kishë në xhami.
Tani është një Muze dhe mbikëqyr shumë vende të tjera historike, duke përfshirë të mrekullueshmen Xhamia Blu në lagjen “Sulltan Ahmet”të Stambollit.
S’ka nevojë të mbushet Hagia Sophia
Në vend të kësaj, Erdogan u bëri thirrje njerëzve të luteshin në Xhaminë Blu të Sulltan Ahmetit ose xhaminë Camlica.
“Ju nuk po mbushni xhaminë pranë Sulltan Ahmetit dhe pastaj të thoni që ta mbushim Hagia Sophia tani,” tha ai.
“Ne e dimë çfarë hapi të hedhim dhe e njohim gjuhën politike.”
Duke iu referuar xhamisë më të madhe të Turqisë, Camlica, e cila u hap kohët e fundit për lutje, ai tha: “Është katër ose pesë herë më e madhe se Hagia Sophia.
“Në të njëjtën kohë, gjashtëdhjetë mijë njerëz mund të luten.”