Nëpërmjet një postimi në rrjetin social “Twitter”, sekretari amerikan i Shtetit, Antony Blinken ka reaguar për vdekjen e gazetarëve të “Fox News”, Pierre Zakrzewski, i cili ishte irlandez dhe 24-vjeçare ukrainase, Oleksandra Kuvshinova.
Ata ndodheshin jashtë Kievit kur automjeti i tyre u sulmua me armë nga trupat ruse duke i lënë ata të vdekur.
“Ju jam mirënjohës të gjithë atyre që rrezikojnë jetën e tyre për t’i treguar botës se çfarë po ndodh në Ukrainë.
Shtetet e Bashkuara dënojnë dhunën e vazhdueshme të Rusisë, e cila po vë në rrezik sigurinë e gazetarëve dhe punonjësve të tjerë të medias në Ukrainë”, u shpreh ai.
Të dielën, një tjetër gazetar i zonës së luftës, Brent Renaud, vdiq kur trupat ruse e qëlluan atë në një pikë kontrolli në Irpin, shumë pak larg Kievit.