Aleati më i ngushtë i Presidentit rus, Vladimir Putin, Dmitry Medvedev, ka dhënë një deklaratë të fortë ku u shpreh me tone këcënuese se Rusia ka për t’u treguar vendin të gjithë armiqve të saj. Kujtojmë qe Medvedev ka shërbyer si president i Rusisë nga viti 2008 deri në 2012, ndërkohë që tani është zëvendëssekretar i Këshillit të Sigurimit të Rusisë.
Më tej, ai vijoi deklaratën e tij duke thënë se Rusia do të prishë “komplotin rusofobik” të Perëndimit për të copëtuar Rusinë. Medvedev theksoi ndër të tjera se Shtetet e Bashkuara kishin ngjallur rusofobi “të neveritshme” në një përpjekje për ta detyruar Rusinë të gjunjëzohej dhe më pas ta copëtonte atë.
“Nuk do të funksionojë – Rusia ka fuqinë të vendosë të gjithë armiqtë tanë të guximshëm në vendin e tyre”, tha ai.