Në një prononcim para gazetarëve në oborrin e Kuvendit, ish-kryeministri Sali Berisha nuk ka pranuar t’u përgjigjet pyetjeve lidhur me situatën në PD, në një kohë kur e kishte përqëndruar fjalën e tij tek projekti i TAP.
“Unë po flas për projektin e shekullit, mos ta ngatërrojmë Bashën ne TAP-n”, tha Berisha.
Ndërkohë, ai mohoi ndër të tjera që të jetë në krye të protestave kundër rritjes së çmimeve dhe tha se po punon me intensitet për bashkimin e Partisë Demokratike.
“Nuk po i organizoj unë protestat. Po t’i organizoja më keni në ballë. Po merrem me intensitet të madh për bashkimin e PD”, u shpreh ai.