Ditën e sotme, në qytetin e Tiranës, policia zbuloi një banesë brenda së cilës gjendeshin rreth 4000 objekte, ku pjesa më e madhe e të cilave dyshohet që të jenë objekte të trashëgimisë kulturore.
Për rrjedhojë, uniformat blu kanë arrestuar një person me iniciale A.K.
Mësohet se objektet përfshijnë, pjesë ikonostasesh nga objekte të vjetra kulti, objekte etnografike, objekte të artit pamor, objekte kulti liturgjike, libra të vjetër, kodikë, mobilje të vjetra dhe epitaf.
Ndërkohë, vijon puna me Ministrinë e Kulturës për inventarizimin e tyre dhe përcaktimin e atyre që janë pjesë e trashëgimisë kulturore dhe përcaktimin e objekteve ku janë marrë apo vjedhur si Kishat Ortodokse në Shqipëri, Greqi e Maqedoninë Veriore.