Gjatë një takimi që po zhvillon aktualisht me përfaqësues të furnizuesve të ushqimeve bazë me shumicë dhe shitjes me pakicë, kryeministri Edi Rama njoftoi se qeveria po sheh mundësinë që të rishikohet fatura e energjisë elektrike për ata abonentë familjarë që harxhojnë shumë.
Në fjalën e tij, Rama nuk dha detaje konkrete në lidhje me fashën e harxhimit, por theksoi se ky është një detaj që po merret në konsideratë.
“ Ne po i mbrojmë të gjitha familjet dhe bizneset nga shtrenjtimi i energjisë elektrike duke i ofruar të njëjtin çmim pavarësisht çfarë po ndodh në treg. Do t’i heqim nga mbrojtja e plotë familjet që harxhojnë shumë energji elektrike se jetojnë në kushte të mira, por ato janë shumë pak. Për momentin, asnjë familje nuk ka rritje të energjisë elketrike, po ashtu edhe bizneset e vogla. Por, ne nuk duam që ajo mbështetje që po japim tani, të na duhet ta përsërisim edhe pas tre muajve”, u shpreh kryeministri Rama duke bërë në këtë mënyrë një njoftim shumë të rendësishëm përsa i përket çmimit të energjisë elektrike për një pjesë të familjeve.