Sipas Agjencisë së Inteligjencës amerikane, mbi 7,000 ushtarë rusë raportohet se kanë vdekur në luftën në Ukrainë që prej 24 shkurtit, ditë kjo kur Vladimir Putin urdhëroi nisjen e pushtimt.
Në një prononcim për “New York Times”, zyrtarët e Pentagonit thanë se janë në gjendje të përpilojnë të dhënat e tyre duke analizuar imazhet satelitore dhe përmbajtjen videove që tregojnë tanket dhe trupa ruse.
Megjithatë, Pentagoni sqaron se shifra e të vdekurve ka mundësi të jetë edhe më e lartë.
Vlerësimet e bëra prej tyre sugjerojnë se mbi 150,000 trupa ruse kanë hyrë në Ukrainë që nga 24 shkurti, me rreth 14,000 deri në 21,000 të plagosur.
Ndërkohë, në fillim të kësaj jave, presidenti Volodymyr Zelenskyy tha se rreth 1,300 trupa ukrainase ishin vrarë në mes të luftës së vazhdueshme të Rusisë me Kievin.