Një ish-komandant i NATO-s ka folur për situatën e luftës në Ukrainë për të cilën lëshoi edhe një paralajmërim të fortë. Ai tha se “kjo luftë po shkon absolutisht në favor të Ukrainës, por Evropa duhet të tregojë kujdes kundër sulmeve bërthamore.”
Në një intervistë për “Skynews”, ish-Zëvendës Komandanti Suprem i Aleatëve të NATO-s, gjenerali Sir Richard Shirreff, u shpreh se forcat ruse kanë treguar “paaftësi të jashtëzakonshme dhe mungesë profesionalizmi”, duke shtuar: “Amatorët flasin për taktikat dhe profesionistët flasin për logjistikën”.
Morali në mesin e trupave ruse është “absolutisht në fund. Ata pritej të priten nga turma që valëvitnin flamurin dhe ata janë pritur nga mbrojtja e egër”.
Më tej, ai vazhdoi: “Putini nuk mund ta pranojë humbjen dhe për këtë arsye në stilin tipik të KGB-së nëse ai përballet me telashe në një drejtim, ai mund të shkaktojë telashe edhe më të mëdha në një tjetër. Ne duhet të jemi vigjilentë ndaj sulmeve kimike, potencialisht ndaj përdorimit të armëve bërthamore taktike.”
Në përundim, ai tha se “nuk mund të marrim asgjë si të mirëqenë” dhe një rritje e forcave do të çonte në një “luftë të përgjithshme që lehtë mund të shkojë në luftë bërthamore”.