Gjatë një takimi që po mbahet aktualisht në Universitetin Bujqësor të Tiranës, Kryeministri Edi Rama deklaroi se është bërë një tjetër hap madhor drejt ndërkombëtarizimit të universiteteve të Shqipërisë me Memorandumin e Mirëkuptimit mes Universitetit Bujqësor të Tiranës (UBT) dhe Michigan State University (MSU).
“Kjo marrëveshje ngre urat për bashkëpunimin akademik për trajnimet, kërkimin shkencor, zhvillimin e kurrikulës, sigurimin e cilësisë, duke e bërë më tej UBT një destinacion tërheqës për të rinjtë, në rrugën e reformës së ndërmarrë bashkërisht mes Rektoratit dhe Ministrisë së Bujqësisë e të Zhvillimit Rural” tha Rama në fjalën e tij.