Policia e Tiranës ka arrestuar 7 persona të cilët akuzohen për kryerjen e veprave të ndryshme penale.
Policia njofton se është ndaluar një 26-vjeçar me iniciale B. H. i cili ishte shpallur në kërkim. I riu më 18 mars ka qëlluar në ajër me armë zjarri duke kanosur një 18-vjeçar me iniciale A. P . Më pas ai është ndihmuar nga një 21-vjeçar që të largohet. Ngjarja ka ndodhur në periferi të kryeqytetit, Babrru.
Ndërsa Specialistët e Seksionit për Hetimin e Krimit Ekonomik dhe Financiar kanë kapur E. Ç., 32 vjeç, i cili ishte shpallur në kërkim për veprat penale “Mashtrimi”, “Vjedhja e kryer duke shpërdoruar detyrën”, “Fshehja e të ardhurave” dhe “Mospagimi i taksave dhe tatimeve”, sepse me anë të mashtrimit dhe shpërdorimit të detyrës, në një studio ligjore, ka përvetësuar shuma parash ndaj klientëve.
Në pranga është vënë edhe J. D., 31 vjeç, pasi ka ushtruar dhunë fizike dhe psikologjike ndaj bashkëshortes, E. Z., 48 vjeç, pasi ka ushtruar dhunë fizike dhe psikologjike ndaj vajzës së tij.
Kurse, specialistët e Qarkullimit Rrugor arrestuan A. M., 45 vjeç, A. G., 59 vjeç dhe B. K., 38 vjeç, pasi u kapën duke drejtuar mjetet e tyre përkatëse, në gjendje të dehur.
Njoftohet gjithashtu se ditën e djeshme është vetëhedhur nga kati i shtatë i pallatit ku banonte një 86-vjeçar. Rrethanat e ngjarjes nuk dihen ende ndërsa i moshuari ka ndërruar jetë.