Ditën e sotme, Ministri i Jashtëm kinez, Wang Yi dha një reagim nëpërmjet të cilit theksoio se koha do të provojë pozicionin e tyre. Ai është shprehur i bindur se vendi i tij po mban qëndrimin e duhur dhe kjo do provohet me kohë se është ana e duhur e historisë lidhur me luftën në Ukrainë.
“Kina do të vazhdojë të bëjë gjykime të pavarura bazuar në meritat e çështjes dhe në një qëndrim objektiv sa i takon të drejtave. Ne kurrë nuk do të pranojmë asnjë shtrëngim dhe presion të jashtëm, dhe gjithashtu kundërshtojmë çdo akuzë dhe dyshim të pabazë kundër Kinës”, deklaroi Wang Yi para gazetarëve.
Më tej, Wang tha se “zgjidhja afatgjatë është të braktisësh mentalitetin e Luftës së Ftohtë, të përmbahet nga përfshirja në konfrontim grupor dhe të formohet një arkitekturë e sigurisë rajonale e balancuar, efektive dhe e qëndrueshme. Vetëm në këtë mënyrë mund të arrihet stabiliteti afatgjatë në kontinentin evropian”.
Komentet e tij vijnë pasi Presidenti i SHBA Joe Biden foli me presidentin kinez Xi Jinping të premten në një përpjekje për të bindur Kinën që të qëndrojë kundër Rusisë në luftën e saj kundër Ukrainës.